بدع رقم 2 من عمر العبيدي الى الصلاحي م 1988 م
بدع من عمر العبيدي
يالله ياذي تفك ابواب حاكم حذ يره=من بعد قفالها
تحد منا المصايب والسنين الضريره=واكفيتنا اهوالها
عبدك على الباب متوحي لما تستخيره=ما سقت قبالها
واحنا لبا العمر يجزع قبل يوم الكسيره=يا ساتر الحالها
سوا سوا من جرا جريه ومن سار سيره=في وقت بطالها
قال العبيدي سرا قلبي علي في هميره=ويسجع البالها
يا بوي انا كيف عذري والمشقه كبيره=صعبه لحلا لها
علقم صبر طعمها ما تنشرب شيء مريره=والحال يرثى لها
مد يت يدي ولكن للاسف هي قصيره=والحظ ما نالها=
واهل الحسد عذبوا قلبي وسو له جريره=وطالت اميالها
لا الامر بايدي على هذا النفوس الحقيره=با سرع بزلزالها
شاع الخبر واصبحت بعض النوايا خطيره=وجارت اثقالها
نسنس نسيم الهواء والورد ينفح عبيره=والزهر بذوالها
ما قيمة الآ دمي لا اصبح مجرد ضميره=وكلمته قالها
يا بو علي صد نوم العين و امست سهيره=ما ضمت اسبالها
حنيت ما حن زاكي من سهوم الذخيره=ذي كال كيالها
سلام لك كلما ارخى بالشخوب الغزيره=وسال سيالها
وامسوا يسقون به والا رض تصبح مطيره=يا فرحة ابتالها
يا فرحة النوب ساعة ما يحصل أ ميره=في شهر شوالها
حط العسل بالضياح العالي المستد يره=ذي صعب نزالها
والليله الهاجس اقبل قال جا من مصيره=ذي ربت اجيالها
يا ناسع اسيان يا لابس من اغلى حريره=يا غصن ميالها
ما دام مثلك لمثلي كيف ما يستشيره=في بعض لعمالها
قم صب شاهي ملبن في الاناة الصغيره=والوزن مثقالها
يا مرسلي قم غبش قبل الصلاة البكيره=وشل مر سالها
لا بحر تيار عاده مبتدي في زفيره=فارس وخيالها
لبو علي ذي من اغلى القبيلة والعشيره=من سابق اجيالها
ما يستوي ساكن البندر وذي بالجزيره=في ضرب لمثالها
حب الوطن يا محمد في فؤادي مثيره=حسب اعترافي لها
والروح قالت تبا في ذا الا وان الا خيره=نظره من اخوالها
مشتاق الى جوها الهادي و تاك الخضيره=ذي زانت اجبالها
والقلب عاده مولع في غزال الحظيره=لو طاع دلا لها
شفي مع الجيد والفسل اطرحه في حفيره=والبل لجمالها
والاعلى جمر والحداد ينفخ بكيره=في حر شعمالها
وتقطع اللحم من لحمه شطيره شطيره=لا سلة اهمالها
والطير ينتع بقايا اللحم ذي في بعيره=محسوب من مالها
يا رب انا استغفرك من كل نكرا نكيره=أوشبه تمثالها
جواب من محمد الصلاحي
يا خالق الكون والعالم بأمرك تديره=تد بر احوالها
ما لي سوا رحمتك يا من لعبدك تجيره=جرنا من اهوالها
واغفر ذ نو بي و نور بصري والبصيره=نهار زلزالها
يوم القيامة تهز الا رض هزة عسيره=وتخرج اثقالها
و تذهل الناس من هذا الامور الخطيره=ويسألوا مالها
تحدث اخبارها و تنشطر كالشطيره=الله أ وحى لها
و تبعث الناس أ شتاتا بمحنه وحيره=وتشاهد اعمالها
يشاهد ابن ادم اعماله وشره وخيره=ذرة ومثقالها
ما تنفعك يا ابن آدم ثرو تك والعشيره=وكل أ موالها
ما ينفعك غير ما قدمت قبل الحشيره=من صالح اعمالها
تظلم و و تطغي و تتكبر و نفسك كبيره=والقبر مثوى لها
أو كالذي ضيع اوقاته بوسكي وبيره=والقيل والقالها
يا سعد من طاع ربه ثم راجع ضميره=والنفس زكى لها
و بعد قال الصلاحي بو علي بو سميره=مال الكبد مالها
تتطعم المر حالي والحلاوى مريره=ما ذا شغل بالها
وابن الصلاحي ترك نومه وودر سريره=ورد بالبالها
والهاجس اقبل نصيف الليل راكب بعيره=عسعوس ذ يالها
واتخلط العو بلي والحرقدي والشعيره=واحتار كيالها
مرحب في ابيات جت تحوي معاني كبيره=وصعب حلالها
أش جاب ماجل خلي لا بحر موجه غزيره=للبتله ابتالها
والهيج لا قام يهدر يفزعك في هد يره=يقطع احبالها
وكيف با سابق الفارس ورجلي قصيره=للخيل خيالها
يا مرحبا يا عمر مرحب ملا كل د يره=والسهل وجبالها
يا مرحبا بك تراحيب المطر في هميره=والسيل لا سالها
بالعطر والمسك والعنبر نفح من عبيره=والشقر واذوالها=
رحب معي بحرها و برها والجزيره=وكل حلا لها
رحب خليج العرب وجاو به حيد صيره=وكل لطلالها
ذكرتني بالوطن والذكريات المثيره=والاب والخالها
واشتاقت النفس يا ليت المسافة قصيره=با ظل رحالها
أرض اليمن يا عمر لها حضاره كبيره=من سابق اجيالها
أرض اليمن مصنع العربان وارض الخضيره=تاريخ يشهد لها
كم صدرت من قبايل من جنوب الجزيره=تاريخها قالها
غسان بالشام والمنذر بشرق الجزيره=سادت على اجيالها
واذكر قبايل بني جرهم متى جت قطيره=محمله جمالها
مروا بمكة وهي قفراء خليه قفيره=ما حد سكن قبلها
هاجر مع ولدها اسماعيل فيها بحيره=ما بعد حد حلها
عاشوا معاها بني جرهم و نعم العشيره=صاروا لها أهلها
والا اذكر الاوس والخزرج قبايل قد يره=رجال وابطالها
هم ناصروا المصطفى وشاركوه المسيره=بالسلم ونظالها=
وفي اليمن يا عمر ياما قبايل كثيره=بنت حضاره لها
دولة معن وسباء والحميري بل وغيره=من خيرة رجالها
يشهد لهم سد مارب بل وشبه الجزيره=جنوب وشمالها
ومن غزا أ رضهم سوها لجيشه حفيره=لله در آلها
لحباش والفرس والاتراك لا قوا كسيره=وكل من جا لها
وانجلترا استعمرت عدن وست في مصيره=بنت قواعد لها
وخرجو ها رجال الله قبل الظهيره=من بعد قتالها
والختم صلوا على المختار نور البصيره=والصحب والآ لها
عد الشجر والمطر لا اصبحت تسمع هد يره=بالارض وجبالها
__________________