[الرحال]

قصيدة حب اليمن

حب ٍ اخفي وحب م اقدر اخفيه

وحب ٍ يموت وحب عايش مع انسان
وحب اليمن..فينا تدفق موانيه

جيلٍ ورى جيل ٍ من ايام قحطان
يوم الغزو والوقت عجف ٍ لياليه

( يمن.. يمن)منخات ذربين الايمان
يعني الشجر وان طال تسقي ضواميه

جذوره اللي توصله يمُ الاغصان
ي اهل الاصاله ..والسمو بمعانيه

ي اهل الحضاره..والشهامه يالاعيان
من دار ابو متعب حضرة بمباديه

لديار ابو احمد سلايل كحيلان
وحد بلد..عانى ولاقال وشفيه

سوى..وسوى..شي فايق للامكان
حط الوطن في ذا وسكر محانيه

قال انعموا شعبي وانا درع وحصان
لحظه..بقى شي ٍ على البال ابحكيه

مجرد قناعه يفهمه كل فهمان
المدح..بابه ماطرقته ولاجيه

لان الشعر روح..ومعاني...ووجدان
الا..لمجد ٍ يرفع الراس طاريه

تفخر به اجيال ٍ وتعمر به اوطان
والا..لطيب يستحق ماانكتب فيه

والطيب ماينكر ولوكان ماكان
وماجيت للشهره ولاشي ٍ ارجيه

الا..رضى اللي عز عبده بالايمان
الشعر صوت ٍداخلي يوم اغنيه

اطرب به الاحساس واشد الاذهان
واجمل هدايا الشعر واكبر حسانيه

عرفت رجال ٍ ماتقدٍر بالاثمان
وانتم..فخر للشعر كله وراعيه

وانا هنا في كل الاحوال كسبان